రియాద్: ఒమన్ అలాగే సౌదీ అరేబియా, పరస్పర సహకారం విషయంలో మరో ముందడుగు వేయడం జరిగింది. టెలికమ్యూనికేషన్ మరియు ఇన్ఫర్మేషన్ టెక్నాలజీ విభాగానికి సంబంధించి ఇరు పక్షాల మధ్య అవగాహన ఒప్పందం కుదిరింది. సౌదీ అరేబియా అలాగే ఒమన్ దేశాలకు చెందిన కీలక నాయకులు ఈ ఒప్పందాలపై సంతకాలు చేశారు. డిజిటల్ ట్రాన్స్‌ఫార్మేషన్, డిజిటల్ ఎకానమీలో పెట్టుబడులు వంటి వాటిలో ఇరు దేశాలు పరస్పరం సహకరించుకోనున్నాయి. వెయ్యి మందికి సైబర్ సెక్యూరిటీ, డిజటల్ ట్రాన్స్‌ఫార్మేషన్, వెబ్ డైవలప్మెంట్, పైథాన్ పోగ్రామింగ్ అలాగే ఐవోటీ విభాగాల్లో శిక్షణ ఇచ్చేలా ఒప్పందం కుదిరింది. కాగా, సంయుక్తంగా నిర్వహించే వెబినార్ ద్వారా 25,000 మంది లబ్ది పొందనున్నారు.