యూఏఈ: వివిధ దేశాలకు చెందిన విజిటర్స్ ఐదేళ్ళ మల్టిపుల్ ఎంట్రీ వీసాని యూఏఈ కోసం పొందవచ్చు. ఈ వీసా ద్వారా సొంత స్పాన్సర్ షిప్ కింద ప్రతి విజిట్ సందర్భంగా 90 రోజులపాటు వుండటానికి వీలుంది. మరో 90 రోజులు పొడిగించుకోవడానికీ అవకాశం వుంటుంది. దీనికోసం మొదటగా, http://www.ica.gov.aeవెబ్ సైట్ సందర్శించాలి. ఆ తర్వాత స్మా్ట్ సర్వీసెస్ విభాగాన్ని ఎంచుకోవాలి (ఈ-ఫామ్). టాప్ మెనూ నుంచి పబ్లిక్ సర్వీసెస్ ఎంపిక చేసుకోవాలి. వీసా మల్టిపుల్ ఎంట్రీ విభాగంలో స్టార్ట్ సర్వీస్ ఎంచుకోవాలి. అవసరమైన వివరాల్ని పొందుపరచాలి. ఆ తర్వాత వీసా ఖరీదు, అవసరమైన డాక్యుమెంట్ల వివరాలు అక్కడ ప్రత్యక్షమవుతాయి. యూఏఈ క్యాబినెట్, మల్టిపుల్ ఎంట్రీ వీసాని ఈ ఏడాది మార్చిలో ప్రకటించింది.