మస్కట్: ఒమన్ ఫిషింగ్ చట్టాలను ఉల్లంఘించిన 10 మంది విదేశీ కార్మికులను దేశం నుంచి బహిష్కరించనున్నారు. కొన్ని రోజుల క్రితమే వీరిని అధికారులు అదుపులోకి తీసుకున్నారు. చాలా రోజులుగా ఫిషింగ్ చట్టాలను ఉల్లంఘిస్తూ వీరు చేపలు పడుతున్నట్లు గుర్తించారు. వీరందరిపై ఇప్పటికే కేసులు నమోదు చేశారు. తాజాగా ఈ పదిమందిని దేశం నుంచి బహిష్కరించాలని నిర్ణయించారు. "10 మంది విదేశీ వర్కర్స్ పై దేశ బహిష్కరణ విధించనున్నాం. ఇందుకు సంబంధించిన ప్రక్రియను అల్ దఖియా గవర్నేరేట్ జాయింట్ ఇన్స్ పెక్షన్ టీం చేస్తోంది. షిఫింగ్ చట్టాలను ఉల్లంఘించినందుకు వీరిని అరెస్ట్ చేశాం"అని అల్ ఉస్తా గవర్నరేట్  అగ్రికల్చర్, ఫిషరీస్ వెల్త్ అండ్ వాటర్ రిసోర్సెస్ జనరల్ డైరెక్టర్ తెలిపారు.