కువైట్: 60 ఏండ్లు అంతకంటే ఎక్కువ వయస్సు ఉన్నవారికి వర్క్ పర్మిట్ల పునరుద్ధరణపై నిర్ణయం ఇంకా పెండింగ్‌లో ఉందని పబ్లిక్ అథారిటీ ఫర్ మ్యాన్‌పవర్ (PAM) పేర్కొంది. కేవలం హైస్కూల్ సర్టిఫికేట్లు మాత్రమే కలిగి ఉన్నవారికి వర్క్ పర్మిట్ల పునరుద్ధరణపై మాత్రమే నిర్ణయం తీసుకునే అవకాశం ఉందని PAM తెలిపింది. వాణిజ్య, పరిశ్రమల మంత్రి డాక్టర్ అబ్దుల్లా అల్-సల్మాన్ అధ్యక్షతన ఉన్న PAM డైరెక్టర్ల బోర్డు ఆమోదం పొందిన వెంటనే ఈ నిర్ణయం అమలులోకి వస్తుందని అల్-అన్బా దినపత్రిక తన కథనంలో పేర్కొంది. 60 ఏండ్లు పైడిన వారికి వర్క్ పర్మిట్ల జారీ తర్వాత హెల్త్ ఇన్సూరెన్స్ కు సంబంధించి ప్రైవేట్ హెల్త్ ఇన్సూరెన్స్ మెకానిజం ఏర్పాటు చేయనున్నారు. ఇందుకోసం మూడు రకాల ఇన్సూరెన్స్ ప్రణాళికలను రూపొందిస్తున్నట్లు సమాచారం. ప్రతి కేటగిరీకి నిర్దిష్ట రుసుములతోపాటు షరతులు ఉంటాయని తెలుస్తోంది. వచ్చే వారం రోజుల్లో వీటికి సంబంధించిన ఉత్తర్వులు జారీ చేయబడుతుందని  అల్-అన్బా తెలిపింది. హెల్త్ ఇన్సూరెన్స్ ను పొందిన తర్వాత లావాదేవీని ఆటోమేటిక్ రెన్యూవల్ కోసం అథారిటీ ఇ-సర్వీసెస్ ద్వారా సమర్పించాల్సి ఉంటుంది. ఇన్సూరెన్స్ రుసుములకు సంబంధించి త్వరలోనే విధి విధానాలు ఖరారు కానున్నాయి. యూనివర్సిటీ డిగ్రీ హోల్డర్‌లతో సహా 60 ఏళ్లు దాటిన వారందరినీ పరిగణనలోకి తీసుకున్నా.. ప్రస్తుతానికి హైస్కూల్ సర్టిఫికేట్ హోల్డర్‌లకు మాత్రమే పీఏఎమ్ పరిశీలన చేస్తుందని అని వార్తా పత్రిక తన కథనంలో స్పష్టం చేసింది.