సౌదీ: సౌదీ అరేబియా కస్టమ్ అధికారులు భారీ స్మగ్లింగ్ రాకెట్ గుట్టును రట్టు చేశారు. దేశంలోకి అక్రమంగా తరలిస్తున్న 2.3 మిలియన్ల నార్కోటిక్ పిల్స్(ఫెనెథిలిన్ పిల్స్) ను  రియాద్ - సౌదీ కస్టమ్స్ అధికారులు స్వాధీనం చేసుకున్నారు. అల్-హదితలోని జకాత్, టాక్స్ అండ్ కస్టమ్స్ అథారిటీ (ZATCA) తనిఖీ చేపట్టారు. ఈ క్రమంలో హదీత పోర్ట్ నుంచి ఓ ట్రక్కులో 2,302,325 నిషేధిత మాత్రలను దాచి రహస్యంగా సౌదీలోకి తీసుకొస్తున్న క్రమంలో కస్టమ్స్ అధికారులు గుర్తించి స్వాధీనం చేసుకున్నారు. దిగుమతులు, ఎగుమతులపై కస్టమ్స్ నియంత్రణను కఠినతరం చేస్తున్నట్లు అధికారులు తెలిపారు. మాదకద్రవ్యాల స్మగ్లింగ్‌ను అన్ని రకాలుగా ఎదుర్కోవడానికి జనరల్ డైరెక్టరేట్ ఆఫ్ నార్కోటిక్స్ కంట్రోల్ (GDNC)తో కలిసి పనిచేస్తున్నట్లు ZATCA అధికారులు స్పష్టం చేశారు. మాదకద్రవ్యాల స్మగ్లింగ్‌ గురించిన సమాచారం తెలిస్తే అత్యవసర నంబర్ (1910), ఇ-మెయిల్ ([email protected]) లేదా అంతర్జాతీయ నంబర్ (00966114208417) ద్వారా తెలపాలని అధికారులు కోరారు. సమాచారం ఇచ్చిన వారి వివరాలు గోప్యంగా ఉంచుతామని, వారికి తగిన రివార్డు కూడా అందించబడుతుందని కస్టమ్స్ అధికారులు తెలిపారు.