అబుధాబి: హెల్త్ కేర్ విభాగాల్లో విద్యుత్తు, నీటి వినియోగాన్ని తగ్గించే దిశగా తొలి ఫేజ్ రెట్రోఫిట్ పనులు ప్రారంభమయ్యాయి. అబుదాబీ హెల్త్ సర్వీసెస్ కంపెనీ (సెహా), అబుదాబీ ఎనర్జీ సర్వీసెస్ (అడెస్) ఈ విషయాన్ని వెల్లడించాయి. ఎనర్జీ సేవింగ్స్ ఫ్రేమ్ వర్క్ ఒప్పందం సెప్టెంబరులో జరిగింది. అల్ అయిన్ తవామ్ హాస్పిటల్, అల్ వాగాన్ హాస్పిటల్ అలాగే అల్ దఫ్రా మదినాత్ జాయెద్ హాస్పిటల్, అల్ సిలా హాస్పిటల్ మరియు ఘయాతి హాస్పిటల్స్‌లో తొలుత గ్రీన్ టెక్నాలజీ అమలు చేస్తారు. నీరు, విద్యుత్ వినియోగాన్ని తగ్గించడం, వెలుతురు సరిగ్గా, సాధారణ పద్ధతుల్లో వచ్చేలా చేయడం ఈ ప్రాజెక్టులో భాగం.