రియాద్:సౌదీలో ప్రభుత్వం కరోనా కట్టడికి తీసుకుంటున్న చర్యలు సత్ఫలితాలిస్తున్నాయి. గత 4 వారాలుగా ఇక్కడ కరోనా కేసుల సంఖ్య భారీగా తగ్గింది. రోజు 50 కి లోపే కొత్త కరోనా కేసులు నమోదవుతున్నట్లు సౌదీ హెల్త్ డిపార్ట్ మెంట్ అధికారులు తెలిపారు. గడిచిన 24 గంటల్లో కొత్తగా 31 కరోనా కేసులు నమోదయ్యాయి. 1 వ్యక్తి కరోనా కారణంగా చనిపోయాడు. ప్రజలంతా ఇలాగే కరోనా నిబంధనలు పాటిస్తూ మహమ్మరిని దేశం నుంచి పూర్తిగా తరిమికొట్టేందుకు సహకరించాలని సౌదీ ప్రభుత్వం విజ్ఞప్తి చేసింది. తాజాగా నమోదైన కేసులతో కలిపి ఇప్పటి వరకు దేశంలో 5, 49, 443 కోవిడ్ పాజిటివ్ కేసులు నమోదయ్యాయి. 8, 822 మంది చనిపోయారు. 5, 38, 542 మంది కరోనా నుంచి పూర్తిగా కోలుకున్నారు.