అబుదాబి: యూఏఈ 50 వ జాతీయ దినోత్సవం సందర్భంగా గోల్డెన్ జూబ్లీ ఉత్సవాలను ఇక్కడి ప్రభుత్వం ఘనంగా జరుపనుంది. డిసెంబర్ 2 నాడు 50 వ నేషనల్ డే ఉత్సవాలు జరగనున్నాయి. ఈ సందర్భాన్ని పురస్కరించుకొని ఇక్కడి రవాణా, ట్రాఫిక్ పోలీసు అధికారులు సరికొత్త నిర్ణయం తీసుకున్నారు. కొత్తగా కొనబోయే వాహనాలకు యూఏఈ 50 న నేషనల్ డే గుర్తుగా కొత్త నంబర్ ప్లేట్లను అమర్చనున్నట్లు అబుదాబి పోలీస్ శాఖ జనరల్ కమాండెంట్ తెలిపారు. నంబర్ ప్లేట్ పై ప్రత్యేకంగా 50 అనే నంబర్ ఉంటుంది. నేటి నుంచే కొనే వాహనాలకు కొత్త నంబర్ ప్లేట్లు ఇవ్వనున్నారు. కొత్తగా రానున్న ప్లేట్లకు కోడ్ తో పాటు 50 అబుదాబి అనే పేరు ప్రత్యేకంగా కనిపించనుంది. ఈ నంబర్ ప్లేట్లను చాలా బాగున్నాయని దేశ వాసులు సంతోషం వ్యక్తం చేస్తున్నారు.