అబుధాబి: సిగ్నల్ జంప్ కారణంగా ప్రమాదాలు జరిగే అవకాశం ఉందని అబుదాది పోలీసులు (ADP) చెప్పారు. వాహనదారులు దయచేసి సిగ్నల్ జంప్స్ చేసి ప్రమాదాలు కొని తెచ్చుకోవద్దని సూచించారు. వాహనాదారులకు దీనిపై అవగాహన కల్పించేందుకు సిగ్నల్ జంప్ చేసి ట్రాఫిక్ వాయిలేషన్స్ కు పాల్పడిన కొందరికి జరిగిన ప్రమాదాల వీడియోలను ప్రదర్శించారు. అబుదాబి పోలీసుల ఫాలో-అప్, కంట్రోల్ సెంటర్ సహకారంతో దర్బ్ అల్ సలామా అనే సంస్థ ద్వారా వీడియోలను జనాల్లోకి విడుదల చేశారు. డ్రైవింగ్ చేసే సమయంలో ఫోన్ మాట్లాడితే  భయంకరమైన యాక్సిడెంట్స్ జరిగే ప్రమాదం ఉందని హెచ్చరించారు.  రాష్ డ్రైవింగ్ కు 800 దిర్హామ్ లు ఫైన్, 4 ట్రాఫిక్ పాయింట్లు… సిగ్నల్ జంప్ చేస్తే 1000 దిర్హామ్ లు ఫైన్, 12 ట్రాఫిక్ పాయింట్లతో పాటు గరిష్టంగా మూడు నెలల పాటు వెహికిల్ ని జప్తు చేస్తామని వీడియోలో ట్రాఫిక్ పోలీసులు తెలిపారు. ఫైన్లు, ప్రమాదాల నుంచి తప్పించుకోవాలంటే ట్రాఫిక్ రూల్స్ కచ్చితంగా పాటించాలని సూచించారు.