కువైట్‌: ప్రపంచాన్ని కలవరపెడుతున్న కొవిడ్ కొత్త వేరియంట్ ఒమిక్రాన్ కేసులు కువైట్ లేవని... ప్రజలు కంగారు పడాల్సిన పనిలేదని ప్రైమ్ మినిస్టర్ షేక్ సబా ఖలీద్ అల్-హమద్ అల్-సబా స్పష్టం చేశారు. అదే సమయంలో గల్ఫ్ దేశాలకు వ్యాపించిన ఒమిక్రాన్ ను నిశితంగా గమనిస్తున్నామని ఆయన తెలిపారు. కొత్త వేరియంట్ ను ఎదుర్కొనేందుకు హెల్త్ మినిస్ట్రీ, కరోనావైరస్ సుప్రీం ఎమర్జెన్సీ కమిటీ సిద్ధంగా ఉన్నాయని ప్రైమ్ మినిస్టర్ భరోసానిచ్చారు. వ్యాక్సిన్ తీసుకోని వారిని దేశంలోకి ప్రవేశించకుండా ముందస్తు జాగ్రత్తలు తీసుకుంటున్నామన్నారు. దేశంలో వైరస్ వ్యాప్తిని నిరోధించేందుకు PCR పరీక్షల సంఖ్యను పెంచినట్లు తెలిపారు. అల్-ఉదైర్ ఆర్మీ బేస్‌ను సందర్శించిన సందర్భంగా ఆయన ఈ మేరకు స్పష్టం చేశారు.