సౌదీ అరేబియా: సౌదీ అరేబియా మొదటిసారి ఈకో టూరిజం క్యాంపు ఏర్పాటు కానుంది. దీని ఏర్పాటుకు సౌదీ అరేబియా ప్రభుత్వం అనుమతిచ్చింది. సౌదీ అరేబియా దక్షిణ అల్-బహా ప్రాంతంలో ఈ క్యాంపును ఏర్పాటు చేయనున్నారు. కిల్వా గవర్నరేట్‌లోని అల్-హోద్న్ నేషనల్ పార్క్ లో మొత్తం 500 చదరపు మీటర్ల విస్తీర్ణంలో ఈకో క్యాంప్ సందర్శకులను అలరించనుంది. సౌదీ ఎన్విరాన్మెంట్, వాటర్, అగ్రికల్చర్ మినిస్ట్రీ నిర్దేశించిన నిబంధనలు, షరతులకు అనుగుణంగా మూడు నెలల కాలానికి అనుమతి ఇచ్చారు. వన్యప్రాణుల సహజ పరిస్థితులను ప్రభావితం చేయని విధంగా టూరిజం రంగాన్ని అభివృద్ధి చేయడం ఈ ప్రాజెక్ట్ లక్ష్యం. సౌదీలో ప్రముఖ ప్రాంతాల్లో టూరిజాన్ని పెంచేందుకు ఇలాంటి ఈకో టూరిజం క్యాంపులను ఏర్పాటు చేయనున్నట్లు సౌదీ ప్రభుత్వం స్పష్టం చేసింది.