సౌదీ: కీలకమైన ఫార్మాస్యూటికల్, వ్యాక్సిన్ పరిశ్రమలను స్థానికంగా స్థాపించేందుకు ప్రోత్సాహించాలని సౌదీ ప్రభుత్వం యోచిస్తోంది. ఈ మేరకు జాతీయ ప్రణాళికను రూపొందించింది. ప్రజల ఆరోగ్య భద్రతకు ఇది ప్రాధాన్య అంశంగా ఈ ప్రణాళికను అమలు చేయనున్నారు. సౌదీ హెల్త్ డిపార్టుమెంట్, సౌదీ ఫుడ్ అండ్ డ్రగ్ అథారిటీ (SFDA) గైడెన్స్ లో సంబంధిత ఏజెన్సీల సహకారంతో ఈ ప్రణాళికను అమలు చేసేందుకు సౌదీ ప్రభుత్వం ప్రయత్నాలు మొదలు పెట్టింది. స్థానికంగా ఫార్మాస్యూటికల్, వ్యాక్సిన్ పరిశ్రమల స్థాపనతో ప్రజలకు ఆరోగ్య భద్రతకు భరోసా ఏర్పడనుందని ప్రభుత్వ వర్గాలు చెబుతున్నాయి.