బహ్రెయిన్: లేబర్ మార్కెట్ రెగ్యులేటరీ అథారిటీ చట్టం, రెసిడెన్సీ చట్టం నిబంధనల ఉల్లంఘనకు పాల్పడే వారిపై ప్రభుత్వం కఠిన చర్యలు తీసుకుంటుంది. ఇందులో భాగంగా ఉత్తర గవర్నరేట్‌లో లేబర్ మార్కెట్ రెగ్యులేటరీ అథారిటీ (LMRA) తనిఖీలు చేపట్టింది. అంతర్గత మంత్రిత్వ శాఖ, నార్తర్న్ గవర్నరేట్ డైరెక్టరేట్ సహకారంతో జరిగిన ఈ దాడుల్లో నిబంధనల ఉల్లంఘనకు పాల్పడిన పలువురు కార్మికులను అదుపులోకి తీసుకున్నారు.  సంబంధిత చట్టాల ప్రకారం వీళ్లపై చర్యలు(బహిష్కరణ) తీసుకుంటామని అధికారులు చెప్పారు. సామాజిక భద్రతను కాపాడేందుకు ఇలాంటి తనిఖీలు దోహదం చేస్తాయని, చట్టవిరుద్ధంగా ఉంటున్న కార్మికుల వివరాలు తెలిస్తే చెప్పాలని లేబర్ అథారిటీ ప్రజలకు పిలిపునిచ్చింది.