బహ్రెయిన్: డిసెంబర్ 19 నుంచి ముందస్తు జాగ్రత్త చర్యల్లో భాగంగా యెల్లో అలర్ట్ అమల్లో వుంటుందని బహ్రెయిన్ పేర్కొంది. జనవరి 31 వరకు ఈ యెల్లో అలర్ట్ కొనసాగుతుంది. యెల్లో అలర్ట్ విషయానికొస్తే, ఇంటెన్సివ్ కేర్ యూనిట్‌లో ఏడు రోజులపాటు 51 నుంచి 100 కేసులు నమోదయినప్పుడు ఈ అలర్ట్ జారీ చేస్తారు. కాగా, బూస్టర్ డోసుల్ని తీసుకోవాల్సిందిగా పౌరులు, నివాసితులకు టాస్క్ ఫోర్స్ సూచిస్తోంది. యెల్లో అలర్ట్ లెవల్ ప్రకారం కేవలం వ్యాక్సిన్ పొందినవారు మాత్రమే పబ్లిక్ ప్రాంతాలు (షాపింగ్ మాల్స్, రెస్టారెంట్లు, కేఫ్‌లు, బార్బర్ షాపులు, ఇండోర్ జిమ్‌లు, క్రీడలకు సంబంధించిన హాల్స్)లోకి ప్రవేశించేందుకు అర్హత కలిగి వుంటారు. బూస్టర్ డోస్ తీసుకున్నవారు, గ్రీన్ అలర్ట్ లెవల్ సూచనల ప్రకారం వ్యవహరించాల్సి వుంటుంది.