కావలసిన పదార్ధాలు:

• సోయా చంక్స్      - 1/4 కిలో
• పాలకూర             - 4 కట్టలు
• పచ్చిమిర్చి          - 6
• వెల్లుల్లి                - 4 రెబ్బలు
• ఉల్లిపాయ            - 1
• ఉప్పు                 - తగినంత
• జీలకర్ర                - 1 టీ స్పూను
• ధనియాల పొడి     - 1 టీ స్పూను
• గరం మసాల         - 1 టీ స్పూను
• నీళ్ళు                 - తగినన్ని
• జీలకర్ర పొడి          - 1 టీ స్పూను
• పసుపు               - 1/2 టీ స్పూను
• నిమ్మరసం           - 1/2 టీ స్పూను
• టమాటో గుజ్జు      - 2 టీ స్పూన్లు
• నూనె                  - 2 టేబుల్ స్పూన్లు

చేయు విధానం:

• సోయా చంక్స్ వేడినీళ్ళలో వేసి పది నిమిషాలు ఉంచాలి.
• ప్రెషర్ పాన్ లో నూనె వేసి పసుపు, జీలకర్ర వేసి వేయించాలి.
• తరువాత ఉల్లిముక్కలు, ఉప్పు వేసి కలపాలి.
• ఇందులో వెల్లుల్లి ముక్కలు, సోయా చంక్స్ వేసి కాసేపు వేయించాలి.
• ధనియాల పొడి, గరం మసాలా, టమాటో గుజ్జు వేసి కలపాలి.
• తరువాత సుమారు ఓ గ్లాసు నీళ్ళు పోసి కలిపి ఉడికించాలి.
• నీళ్ళన్నీ ఆవిరైపోయాక తురిమిన పాలకూర వేసి సిమ్ లో ఉడికించాలి.
• పచ్చిమిర్చి గుజ్జు కూడా వేసి మూడు నిమిషాలు ఉడికించాక దించాలి.