యూఏఈ: పని ప్రాంతాల నుంచి దూరంగా వున్నవారికి, ప్రత్యేక పరిస్థితుల్లో వున్నవారికి శుక్రవారం రోజున ఇంటి వద్ద నుంచి పని చేయడం అలాగే పని వేళల్లో వెసులుబాటు విషయమై ప్రాధాన్యత ఇవ్వనున్నట్లు అథారిటీస్ పేర్కొన్నాయి. ఫెడరల్ అథారిటీ ఈ మేరకు ఓ ప్రకటన విడుదల చేసింది. పబ్లిక్ మరియు కొన్ని ప్రైవేటు సెక్టార్ సిబ్బందికి సంబంధించి శుక్రవారం సగం పని దినం వర్తింపజేయనున్నారు. శని మరియు ఆదివారాల్లో సెలవు వుంటుంది. శుక్రవారం కోసం వర్క్ ఫ్రమ్ హోం సహా పని వేళల్లో వెసులుబాటు కల్పిస్తారు.