ఖతార్: శుక్రవారం జెడ్డాలో జరిగిన సౌదీ డకార్ ర్యాలీ లో నాసర్ అల్-అత్తియా తన నాల్గవ డకార్ ర్యాలీ టైటిల్‌ను కైవసం చేసుకున్నాడు. కొత్త సంవత్సరం రోజున నిర్వహించిన మొదటి స్టేజ్‌ నుంచి అతను ఆధిక్యం సాధిస్తున్న విషయం తెలిసిందే. అల్-అత్తియా తన సమీప ప్రత్యర్థి సెబాస్టియన్ లోబ్‌ను 12వ రౌండ్ లో ఐదు నిమిషాల కంటే ఎక్కువ తేడాతో ఓడించాడు. ఓవరాల్ గా మొత్తం 27 నిమిషాల కంటే ఎక్కువ ఆధిక్యంతో విజయం సాధించాడు. అలాగే బ్రిటీష్ రైడర్ సామ్ సుందర్‌లాండ్ తన రెండవ డాకర్ మోటార్‌బైక్ టైటిల్‌ను గెలుచుకున్నాడు. స్టేజీ విన్నర్ చిలీకి చెందిన పాబ్లో క్వింటానిల్లాను 3 1/2 నిమిషాల తేడాతో ఓడించాడు. ఇది 1994 నుండి అత్యంత సమీప మార్జిన్ కావడం విశేషం.