కావలసిన పదార్థాలు: గోధుమపిండి - 400 గ్రా., ఎండు కొబ్బరి కోరు, కర్జూరం, జీడిపప్పు, పిస్తాపప్పు కలిపి - 100 గ్రా., కిస్‌మిస్‌-25 గ్రా., బెల్లం- 150 గ్రా., డాల్డా - 60 గ్రా., నూనె - వేగించడానికి సరిపడా.

తయారుచేసే విధానం: ఒక పాత్రలో గోధుమపిండిని, డ్రైఫ్రూట్స్‌ని, 60 గ్రాముల డాల్డాని వేసి కలపాలి. బెల్లాన్ని కూడా కరిగించి అదే పిండిలో అవసరమైతే నీరుని జతచేస్తూ ముద్దలా కలుపుకోవాలి. ఈ ముద్దని సమాన భాగాలుగా చేసుకుని గారెల్లా ఒత్తి నూనెలో దోరగా వేగించాలి. వీటిని చల్లారనిచ్చి తింటే చాలా రుచిగా ఉంటాయి..