ప్రపంచవ్యాప్తంగా ఈరోజు ఈస్టర్‌ వేడుకలు ఘనంగా జరుగుతున్నాయి. ప్రత్యేక ప్రార్థనల్లో పాల్గొనడానికి, మత పెద్దల ప్రసంగాలు వినడానికి, ఆశీస్సులు పొందడానికి వచ్చిన క్రైస్తవులతో ప్రార్థనాలయాలన్నీ కళకళలాడాయి.వాటికన్‌సిటీలో సెయింట్‌ పీటర్స్‌ స్క్వేర్‌ వద్ద పోప్‌ ఫ్రాన్సిస్‌ ఈస్టర్‌ ఆదివారం ప్రార్థనలు నిర్వహించారు. మధ్యాహ్నం పోప్‌ చేసే ప్రత్యేక ప్రసంగం వినడానికి వచ్చిన వారితో ఆ ప్రాంతం అంతా కిక్కిరిసిపోయింది. ఈ ప్రాంతం కొన్ని సంవత్సరాలుగా ఇస్లామిక్‌ తీవ్రవాదుల హిట్‌లిస్టులో ఉండడంతో పోలీసులు కట్టుదిట్టమైన భద్రతా ఏర్పాట్లు చేశారు.హాజరైన ప్రతి ఒక్కరినీ క్షుణ్ణంగా తనిఖీ చేసి పంపించారు.