తన భర్త సోదరీమణులు, వారి ఫ్యామిలీ గ్రూప్‌ నుంచి తన పేరును తొలగించడం పట్ల ఆగ్రహం వ్యక్తం చేస్తూ ఓ భార్య తన భర్తపై పోలీసులకు పిర్యాదు చేసింది. తొలుత ఈ విషయాన్ని తన భర్త దృష్టికి తీసుకు వెళ్ళినా, ఆయన స్పందించకపోవడంతో ఆమె పోలీసులకు ఫిర్యాదు చేసింది. భర్త సోదరీమణులపై ఆమె కేసు పెట్టారు. వారి నుంచి తనకు రక్షణ కావాల్సిందిగా ఫిర్యాదులో బాధితురాలు పేర్కొన్నారు. ఇలాంటి కేసులు ఇంటి వద్దే పరిష్కరించుకోవచ్చని డిపార్ట్‌మెంట్‌ ఆఫ్‌ విమెన్‌ అండ్‌ చైల్డ్‌ ప్రొటెక్షన్‌ డైరెక్టర్‌ మేజర్‌ షహీన్‌ అల్‌ మజ్మి చెప్పారు. అయితే ఆరోపణలు ఎదుర్కొంటున్నవారు మాత్రం గ్రూప్‌లో అభ్యంతరకర పోస్ట్‌లు చేస్తుండడంతో ఆమెను తప్పించినట్లు వెల్లడించారు. ఇంటి నుంచి వెళ్ళిపోయి తాను తప్పు చేసిన విషయాన్ని బాధితురాలు అంగీకరించడం ఇందులో కీలక మలుపు.