అబుధాబి: డెలివరీ బైక్ రైడర్‌ల వల్ల కలిగే ప్రమాదాల గురించి అబుధాబి ఇంటిగ్రేటెడ్ ట్రాన్స్‌పోర్ట్ సెంటర్ (ITC) వాహనదారులను హెచ్చరిస్తూ ఓ వీడియోను తన సోషల్ మీడియా ఖాతాలో షేర్ చేసింది. రద్దీగా ఉండే రోడ్లపై బైక్ రైడర్లు తమ బైక్‌లను అడ్డదిడ్డంగా నడిపించడం ప్రమాదకరంగా మారి ఇతరుల ప్రాణాలను ప్రమాదంలో పడేస్తున్నట్లు ఆ వీడియోలో ఉంది. మానిటరింగ్, కంట్రోల్ సెంటర్ సహకారంతో జాయింట్ ట్రాఫిక్ సేఫ్టీ కమిటీ హైలైట్ చేసిన డెలివరీ బైక్ డ్రైవర్ల ప్రవర్తనలలో ఇది ఒక భాగం మాత్రమే, వారి ప్రవర్తన వారి భద్రతకే గాక, ఇతరుల భద్రతకు ముప్పును కలిగిస్తాయని ITC ట్వీట్ చేసింది. మనం ఎంత ఎక్కువ భద్రతా చర్యలు పాటిస్తామో, మన రోడ్లు అంత సురక్షితంగా ఉంటాయని ఐటీసీ పేర్కొంది.