రియాద్: అరబ్ సంకీర్ణ దళాలు వెల్లడించిన వివరాల ప్రకారం, హౌతీ తీవ్రవాదులు సంధించిన మిస్సైళ్ళ కారణంగా ఇండస్ట్రియల్ ఏరియాలో ఇద్దరు నివాసితులకు గాయాలయ్యాయని తెలుస్తోంది. జహాన్‌లోని అహాద్ అల్ ముసైరిహా ప్రాంతంలో ఈ ఘటన జరిగింది.ఓ సుడాన్ వ్యక్తి ఓ బంగ్లాదేశీ వ్యక్తి ఈ దాడిలో గాయపడ్డారు. కొన్ని వర్క్ షాపులు, పౌరుల వాహనాలు ధ్వంసమయ్యాయి. వరుసగా ఇది మూడవ హౌతీ దాడి అని సంకీర్ణ దళాలు పేర్కొన్నాయి. కాగా, యెమెన్ అల్ జౌఫ్ గవర్నరేటు నుంచి సంధించబడిన రెండు డ్రోన్లను కూల్చివేసినట్లు సంకీర్ణ దళాలు వెల్లడించాయి.