జిసిసి స్టేట్స్‌ నుంచి వచ్చే వలసదారుల డ్రైవింగ్‌ లైసెన్స్‌ విషయంలో కొన్ని మార్పులు చేర్పులు చోటుచేసుకున్నాయి. ఈ స్టేట్స్‌ నుంచి లైసెన్స్‌ పొందినవారు సరాసరి ఖతార్‌ డ్రైవింగ్‌ లైసెన్స్‌ కోసం రోడ్‌ టెస్ట్‌కి వెళ్ళిపోవచ్చు. యూఎస్‌, కొన్ని యూరోపియన్‌ దేశాలకు మాత్రమే ఈ వెసులుబాటు వర్తిస్తుందని డ్రైవింగ్‌ స్కూల్‌ సీనియర్‌ అధికారి ఒకరు చెప్పారు. రోడ్‌ టెస్ట్‌ కోసం కేవలం రెండు ఛాన్సులు మాత్రమే ఇస్తారు. పాత రూల్‌ ప్రకారం జిసిసి దేశాలకు చెందినవారు డైరెక్ట్‌గా తమ లైసెన్స్‌ని ఖతార్‌ లైసెన్స్‌గా మార్చుకోవచ్చు. ఇండియా, పాకిస్తాన్‌, బంగ్లాదేశ్‌, శ్రీలంక, నేపాల్‌ తదితర దేశాలకు చెందినవారు డ్రైవింగ్‌ స్కూల్‌కి వెళ్ళి లెర్నర్స్‌ కోర్స్‌ పూర్తి చేయాల్సి ఉంటుంది. ఆ తర్వాతే ఖతార్‌ లైసెన్స్‌కి మార్చుకోవడానికి వీలుంటుంది. ట్రాఫిక్‌ సైన్స్‌ మరియు నిబంధనలకు సంబంధించి కంప్యూటర్‌ టెస్ట్‌ నిర్వహిస్తారు. టెస్ట్‌ ఇంగ్లీషు, ఉర్దూ మరియు హిందీలలో ఉంటుంది.