యూఏఈలో ఉన్నత న్యాయస్థానం 11 మందికి జీవిత ఖైదు విధించింది. అబుదాబీలోని ఫెడరల్‌ కోర్ట్‌ మరో ఇద్దరికి 15 సంవత్సరాలు, 13 మందికి 10 ఏళ్ళు, ఆరుగురికి మూడేళ్ళు, ఇద్దరికి ఐదేళ్ళు జైలు శిక్ష విధించారు. ఏడుగురిని నిర్దోషులుగా తేల్చింది న్యాయస్థానం. 41 మందిపై నేరాభియోగాలు మోపబడ్డాయి. దేశంలో తీవ్రవాద కార్యకలాపాలకు పాల్పడుతున్న కేసులో వీరిపై కేసులు నమోదయ్యాయి. ఆగస్ట్‌లో వీరి అరెస్ట్‌ జరిగింది. దేశంలో విధ్వంసాలు సృష్టించడం, ప్రైవేటు ఆస్తులను ధ్వంసం చేయడం, నిషేధిత మారణాయుధాల్ని వినియోగించడం తదితర అభియోగాల్ని నమోదు చేసి, నిందితుల్ని దోషులుగా నిర్ధారించారు.