సౌదీ: స్థానిక, దిగుమతి చేసుకున్న ఫుడ్ ప్రొడక్ట్స్ కు హలాల్ సర్టిఫికేషన్ ను తప్పనిసరి చేయాలని సౌదీ అరేబియా యోచిస్తోంది. మీట్, పౌల్ట్రీ, ఇతర నాన్ వెజ్ ఫుడ్ ప్రొడక్ట్స్ పై హలాల్ సర్టిఫికేట్‌ను తప్పనిసరి చేయాలని భావిస్తున్నట్లు సంబంధిత శాఖ అధికారులు స్పష్టం చేశారు. జెలటిన్, కొల్లాజెన్, యానిమల్ రెన్నెట్, యానిమల్ ఫ్యాట్, ఆయిల్స్ ను కలిగి ఉన్న ఫుడ్ కు సంబంధించి హలాల్ సర్టిఫికేట్ జారీ చేయవలసి ఉంటుంది. అలాగే హలాల్ లోగో, గుర్తు లేదా పదం ఉన్న ఫుడ్ ఉత్పత్తులకు కూడా హలాల్ సర్టిఫికేట్ తప్పనిసరి అని అథారిటీ స్పష్టం చేసింది. ఈ నిబంధన వచ్చే జూలై నుంచి అమల్లోకి వచ్చే అవకాశం ఉందని సంబంధిత వర్గాలు తెలిపాయి.