బహ్రెయిన్: పర్యాటక చరిత్రలో భాగమైన ‘హోటల్ బహ్రెయిన్’ ను తిరిగి ప్రారంభించేందుకు సిద్ధమవుతున్నారు. ప్రైవేట్ రంగానికి చెందిన పెట్టుబడిదారులతో బహ్రెయిన్ అథారిటీ ఫర్ కల్చర్ అండ్ యాంటిక్విటీస్ చేతులు కలపడం ద్వారా హోటల్‌ను పూర్తిగా మార్చడం లేదా పునరుద్ధరించడానికి ప్లాన్ చేస్తోంది. ఈ హిస్టారికల్ హోటల్ నిర్మాణం 1920లలో ప్రారంభమైన.. రెండవ ప్రపంచ యుద్ధం, యూకే  నుండి నిర్మాణ సామగ్రి రావడంలో ఆలస్యం తదితర కారణాలతో 1950లో దీన్ని ప్రారంభించారు. జీసీసీ, అరబ్ నాయకులకు సురక్షితంగా ఆతిథ్యం ఇచ్చేందుకు వీలుగా దీన్ని ప్రభుత్వ అవెన్యూలో నిర్మించారు.