సీనియర్‌ తెలుగు సినీ నిర్మాత జయకృష్ణ మంగళవారం కన్నుమూశారు. మంత్రిగారి వియ్యంకుడు, వివాహ భోజనంబు, ముద్దుల మనవరాలు, సీతారాములు, రాగలీల, నీకు నాకు పెళ్లంట, కృష్ణార్జునులు తదితర చిత్రాలను నిర్మించి అభిరుచి గల నిర్మాతగా పేరు తెచ్చుకున్నారు. 1978లో బాపు దర్శకత్వంలో చిరంజీవితో తెరకెక్కిన 'మన వూరి పాండవులు' చిత్రంతో ఫిలింఫేర్‌ అవార్డు అందుకున్నారు. ఆయన చిత్రాలను నిర్మించడంతో పాటు... పలు అనువాద చిత్రాలను కూడా విడుదల చేశారు. మేకప్‌మెన్‌గా సినీ జీవితాన్ని ప్రారంభించిన జయకృష్ణ తర్వాత నిర్మాతగా మారారు. రెబల్‌స్టార్‌ కృష్ణంరాజు, విజయశాంతిలకు ఆయన వ్యక్తిగత మేకప్‌మేన్‌గా పనిచేశారు.