బహ్రెయిన్: బహ్రెయిన్ ఇంటర్నేషనల్ సర్క్యూట్ (బిఐసి), 2022 ఫార్ములా వన్ ప్రీ-సీజన్ టెస్టింగ్ టిక్కెట్లను ప్రారంభించింది. మార్చి 10 నుంచి 12 వరకు వరల్డ్ క్లాస్ సఖిర్ రేస్ ట్రాక్ వద్ద ఈ ఈవెంట్ జరగనుంది.ఆఖరి రెండు రోజుల టెస్టింగ్‌కి అనుమతి పొందేవారు, వ్యక్తిగతంగా కొత్త జనరేషన్ ఎఫ్1 కార్లను తిలకించే అవకాశం పొందుతారు.ఈ ఏడాది ఫార్ములా వన్ గల్ఫ్ ఎయిర్ బహ్రెయిన్ గ్రాండ్ ప్రిక్స్ టిక్కెట్లను మార్చి 1 కంటే ముందు కొనుగోలు చేసేవారికి ప్రీ-సీజన్ టిక్కెట్లు ఉచిత ప్రవేశం లభిస్తుంది. ఆన్‌లైన్ ద్వారా టిక్కెట్లను కొనుగోలు చేయవచ్చు. రోజుకి 5 బహ్రెయినీ దినార్లతో టిక్కెట్లు కొనుగోలు చేయడానికి వీలుంది. పిల్లలకు ఈ ధర 2.5 బహ్రెయినీ దినార్లు. అభిమానులకు పబ్లిక్ యాక్సెస్ మార్చి 11, మార్చి 12 తేదీల్లో మధ్యాహ్నం నుంచి రాత్రి 7 గంటల వరకు వుంటుంది.