సౌదీ-రియాద్: విమానంలో భౌతిక హింస, దాడి, వేధింపులకు పాల్పడితే కఠిన చర్యలు తీసుకుంటామని పబ్లిక్ ప్రాసిక్యూషన్ హెచ్చరించింది. అలాంటి సంఘటనలను తేలికగా వదిలిపెట్టమని, తీవ్ర నేరంగా పరిగణిస్తామని ప్రాసిక్యూషన్ పేర్కొంది. విమాన ప్రయాణ సమయంలో భౌతిక హింస, దాడి, వేధింపులు పాల్పడే ప్రయాణికుడు, సిబ్బంది పట్ల తీవ్ర చర్యలు తీసుకుంటామని హెచ్చరించింది. అలాంటి వారిని నేరస్థులుగా భావించి వారికి భారీగా ఫైన్ తోపాటు జైలు శిక్ష కూడా విధించనున్నట్లు తెలిపింది. గరిష్టంగా SR500,000 జరిమానా విధించడంతోపాటు 5 సంవత్సరాల వరకు జైలు శిక్ష విధించే అవకాశం ఉందని పబ్లిక్ ప్రాసిక్యూషన్ వెల్లడించింది.