మస్కట్: ఒమన్ వాటర్ మరియు వేస్ట్ వాటర్ సర్వీసెస్ కంపెనీ, వాటర్ సర్వీసెస్ కనెక్టింగ్ విషయమై సంబంధిత రుసములపై స్పష్టతనిచ్చింది. సోషల్ మీడియాలో వస్తున్న వార్తలపై వివరణ ఇచ్చింది. 2019 నుంచి రుసుములు నిర్ధారించబడ్డాయని సంస్థ పేర్కొంది. పబ్లిక్ వాటర్ అథారిటీ, నీటి వనరుల నిర్వహణ, పంపిణీకి సంబంధించి అన్ని అంశాల్నీ పరిగణనలోకి తీసుకుని రుసుములు నిర్ధారించబడ్డాయి. కొన్ని విభాగాలకు చెందినవారికి ఈ రుసుముల నుంచి వెసులుబాటు కల్పించారు. 70 నెలలపాటు నెలకు కేవలం 10 రియాల్స్ చొప్పున చెల్లించేలా నిర్ణయం తీసుకున్నారు. ఎప్పటికప్పుడు తాజా పరిస్థితులకు అనుగుణంగా కీలక నిర్ణయాలు తీసుకోవడం జరుగుతుందని సంస్థ పేర్కొంది.