యూఏఈ: 16 ఏళ్ళ లోపు వయసు విద్యార్థులకు పీసీఆర్ టెస్ట్ విషయమై అబుధాబి వెసులుబాటు కల్పించింది. ఈ మేరకు తల్లిదండ్రులకు సర్క్యులర్ జారీ చేయడం జరిగింది. నెగెటివ్ పీసీఆర్ టెస్ట్ రిజల్ట్ చెల్లుబాటు సమయాన్ని 14 రోజుల నుంచి 28 రోజులకు పెంచారు. 16 ఏళ్ళు పైబడిన విద్యార్థులకు మాత్రం గడువు 14 రోజులుగానే వుంటుంది. వ్యాక్సిన్ పొందని విద్యార్థులు ప్రతి ఏడు రోజులకోసారి పీసీఆర్ టెస్ట్ చేయించుకోవాలి. కాగా, ఈ నెలలో అబుధాబి డిపార్టుమెంట్ ఆఫ్ ఎడ్యుకేషన్ అడ్ నాలెడ్జ్, మరో ఆరు స్కూళ్ళకు బ్లూ టైర్ స్టేటస్ ఇచ్చింది. 85 శాతం విద్యార్థులు వ్యాక్సినేషన్ పొంది, స్కూళ్ళకు హాజరైతే ఈ బ్లూ స్టేటస్ ఇస్తారు.