కువైట్: జనరల్ అడ్మినిస్ట్రేషన్ ఆఫ్ పబ్లిక్ రిలేషన్స్ మరియు సెక్యూరిటీ మీడియా (మినిస్ట్రీ ఆఫ్ ఇంటీరియర్) వెల్లడించిన వివరాల ప్రకారం, నేషనల్ డే సెలవుల సమయంలో.. అంటే ఫిబ్రవరి 24, 25, 26 తేదీల్లో 10,769 ట్రాఫిక్ ఉల్లంఘనల్ని నమోదు చేయడం జరిగింది. 108 వాహనాల్ని అలాగే 6 మోటార్ సైకిళ్ళని స్వాధీనం చేసుకున్నారు. 49 మందిని సంబంధిత అథారిటీస్‌కి రిఫర్ చేశారు. 15 మందిని ట్రాఫిక్ పోలీస్ విభాగానికి అప్పగించారు. 13 మందిని అరెస్టు చేశారు.