బహ్రెయిన్: లింగ సమానత్వ లక్ష్యాలను బహ్రెయిన్ సాధించిందని వరల్డ్ బ్యాంక్ తెలిపింది. 2018 నుండి 2022 వరకు ఈ విభాగంతో కింగ్ డమ్ 73% స్కోరు నమోదు చేసిందని వరల్డ్ బ్యాంక్ నివేదిక స్పష్టం చేసింది. మహిళల ఆర్థిక భాగస్వామ్యాన్ని, లింగ సమానత్వాన్ని పెంపొందించడానికి బహ్రెయిన్ తన నిబద్ధతను బలోపేతం చేస్తోందని వరల్డ్ బ్యాంక్ ప్రశంసలు కురిపించింది. బహ్రెయిన్ పే ఇండికేటర్‌లో 9.4 పాయింట్లు మెరుగుపడి 100కి 73శాతం స్కోర్‌ సాధించింది. ఇది కార్మిక మార్కెట్లో లింగ సమానత్వం పై బలమైన చట్టాల అమలును ప్రతిబింబిస్తుంది. అలాగే ఎంట్రప్రెన్యూర్‌షిప్ ఇండికేటర్‌లో బహ్రెయిన్ 100 పర్ఫెక్ట్ స్కోర్‌ను సైతం సాధించింది.