దుబాయ్: అక్కినేని నాగార్జున హీరోగా నటిస్తున్న లేటెస్ట్ సినిమా ఘోస్ట్. ప్రస్తుతం ఈ మూవీ షెడ్యూల్ దుబాయ్‌లో శరవేగంగా సాగుతోంది. ఇటీవల బంగార్రాజు మూవీతో వచ్చి హిట్ అందుకున్న నాగ్ ఇప్పుడు ఆ సినిమాకు పూర్తి భిన్నమైన కాన్సెప్ట్‌తో 'ఘోస్ట్' చేస్తున్నారు. ప్రవీణ్ సత్తారు ఈ సినిమాకు దర్శకత్వం వహిస్తుండగా సోనాల్ చౌహాన్ నాగ్ సరసన హీరోయిన్‌గా నటిస్తోంది. క్రేజీ థ్రిల్లర్ సినిమాగా రూపొందుతున్న ఈ మూవీ ఫస్ట్ ఫస్ట్ లుక్ తోనే అంచనాలు రేపింది. ఇప్పటికే కొంత టాకీపార్ట్ పూర్తి చేసుకోగా ఇప్పుడు దుబాయ్‌లో హీరో హీరోయిన్స్‌పై కీల సన్నివేశాలను అలాగే సాంగ్‌ను కంప్లీట్ చేస్తున్నారట.తాజాగా దీనికి సంబందించిన ఓ పిక్‌ను మేకర్స్ సోషల్ మీడియాలో పంచుకున్నారు. దీనిలో నాగార్జున, సోనాల్ చౌహాన్‌లతో పాటు దర్శకుడు ప్రవీణ్ సత్తారు ఉన్నారు. ప్రస్తుతం ఈ పిక్ నెట్టింట బాగా వైరల్ అవుతోంది.