దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఏ), సిగ్నల్స్‌తో కూడిన జంక్షన్‌ని అమ్మాన్‌ స్ట్రీట్‌ మరియు అల్జీర్స్‌ స్ట్రీట్‌ మధ్య ముహైస్న-2లో ప్రారంభించనుంది. ఈ జంక్షన్‌ ఏర్పాటుతో చాలావరకు ట్రాఫిక్‌ ఇబ్బందులు పరిష్కారమవుతాయని ట్రాఫిక్‌ అండ్‌ రోడ్స్‌ ఏజెన్సీ సీఈఓ మైతా బిన్‌ అదాయ్‌ చెప్పారు. ఇప్పటికే 95 శాతం పనులు పూర్తయ్యాయనీ, ఏప్రిల్‌ చివరి వారంలో ప్రాజెక్ట్‌ పూర్తవుతుందని ఆయన చెప్పారు. 31 కిలోమీటర్ల పొడవైన రోడ్లు, అందులో 3.87 కిలోమీటర్ల లాంగ్‌ కలెక్టర్‌ రోడ్స్‌, 8.15 లాంగ్‌ కలెక్టర్‌ రోడ్స్‌, 9.19 లాంగ్‌ లోకల్‌ రోడ్స్‌ ఈ ప్రాజెక్ట్‌లో భాగం. రోడ్డు అభివృద్ధి కారణంగా ఇబ్బందులు పడుతున్నవారి నుంచి ఫీడ్‌ బ్యాక్‌ తీసుకుంటున్నామని అధికారులు వెల్లడించారు. ఈ ప్రాజెక్ట్‌ నిర్మాణంతో ఈ రోడ్డుపై ట్రాఫిక్‌ సమస్యలు చాలావరకు తీరనున్నాయి.