రియాద్: COVID-19 వ్యాక్సిన్ తీసుకోని గృహ కార్మికులు సౌదీ అరేబియాలోకి ప్రవేశించవచ్చు. ఈ మేరకు జనరల్ అథారిటీ ఆఫ్ సివిల్ ఏవియేషన్ (GACA) స్పష్టం చేసింది. వ్యాక్సిన్లు వేసుకోని కార్మికులు సౌదీ అరేబియాలోకి సాధారణ మార్గంలో ప్రవేశించవచ్చు. రాజ్యానికి వచ్చే ప్రయాణికులందరికీ PCR పరీక్ష చేయించుకోవల్సిన అవసరం లేదని GACA పేర్కొంది. నివాసితులు మూడవ దేశంలో 14 రోజుల నిర్బంధాన్ని గడపకుండానే రాజ్యంలోకి ప్రవేశించవచ్చని GACA ఇంతకు ముందు వెల్లడించిన విషయం తెలిసిందే.