అమెరికా: తెలుగు భాషా సాహిత్యం, పరివ్యాప్తి కోసం ఉత్తర అమెరికా తెలుగు సంఘం (తానా) ఇప్పటికే పలు కార్యక్రమాలు నిర్వహించింది. వివిధ దేశాల్లో నివసిస్తున్న ప్రవాస పిల్లలు, యువకులకు తెలుగు భాషపై మక్కువ, పటిష్ఠత, అభిరుచి పెంచడం కోసం తాజాగా ‘తానా - తెలుగు పరివ్యాప్తి కమిటీ’ ఆధ్వర్యంలో  ‘తెలుగు తేజం పోటీలు’ నిర్వహిస్తోంది. ఈ పోటీల్లో ఆంధ్రప్రదేశ్, తెలంగాణ రాష్ట్రాల్లో నివసిస్తున్న పిల్లలు మినహా ప్రవాస దేశాలలో నివసిస్తున్న వారు ఎవరైనా పాల్గొనవచ్చు. ఈ సందర్భంగా నిర్వాహకులు తల్లితండ్రులకు వారి పిల్లలను ప్రోత్సహించి ఈ పోటీలలో భాగస్వాములు చేయవలసిందిగా కోరారు. దరఖాస్తు, ప్రవేశ రుసుము, నియమ నిబంధనలు కోసం https://forms.gle/ u1gqzHFhTT3a6yYg9 లింక్ ద్వారా చూడవచ్చు. దరఖాస్తు, ప్రవేశ రుసుము చెల్లించడానికి ఆఖరు తేది: ఏప్రిల్ 25, 2022. జూన్ 4,5 తేదీలలో జూమ్‌ ద్వారా పోటీల నిర్వహణ ఉంటుంది.