ఖతార్: రమదాన్ సందర్భంగా ఖతార్ గల్ఫ్ తీరప్రాంతానికి అభిముఖంగా ఉండే ఎడారి దిబ్బల మధ్య చిరస్మరణీయమైన ఇఫ్తార్ అనుభవానికి అతిథులను ఆహ్వానిస్తూ ప్రత్యేక పర్యటన ‘డిస్కవర్ ఖతార్’ను ఖతార్ ప్రారంభించింది. డిస్కవర్ ఖతార్ లో భాగంగా ఫైవ్-స్టార్ హోటల్ ద్వారా తయారు చేయబడిన నాలుగు-కోర్సుల మెనూతో ఒక రకమైన ప్రైవేట్ ఇఫ్తార్ భోజనాన్ని అందిస్తారు.  ఇందులో రుచికరమైన సాంప్రదాయ వంటకాలు, వివిధ రకాల డెజర్ట్‌లు, రంజాన్ పానీయాలు, అరబిక్ కాఫీలు ఉంటాయి. అతిథులు ఆహ్లాదకరమైన డూన్-బాషింగ్ అడ్వెంచర్‌ను ఆస్వాదించవచ్చు. అలాగే ప్రసిద్ధ సీలైన్ బీచ్‌లోని సహజమైన బ్లూ స్కైని చూస్తూ నీటిలో ఈత కొట్టవచ్చు. ఎడారి దిబ్బపై సూర్యాస్తమయంలో అద్భుతమైన ఫోటోలు దిగవచ్చు. రమదాన్, ఇఫ్తార్ ప్రాముఖ్యతను చెబుతూ ఖతార్ ప్రఖ్యాత ఆతిథ్యం, స్థానిక సంస్కృతి, సంప్రదాయాలను ప్రతిబింబించేలా ఈ పర్యటనను రూపొందించారు. ఒక్కో వాహనంపై గరిష్టంగా నలుగురు వ్యక్తులను అనుమతిస్తారు. ధర QR720 నుండి ప్రారంభమవుతుంది. దోహా నగరంలోని ప్రధాన హోటళ్ల నుంచి పికప్, డ్రాప్-ఆఫ్ సదుపాయం ఉంది. ఏప్రిల్ 30 వరకు బుకింగ్‌ల కోసం DQ10 ప్రోమో కోడ్‌ని ఉపయోగించి ఆన్‌లైన్‌లో బుకింగ్ చేసినప్పుడు అతిథులు 10% అదనపు తగ్గింపు పొందవచ్చు. మరింత సమాచారం కోసం, http://Discoverqatar.qaని సందర్శించవచ్చు.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)