పవిత్ర రమదాన్  మాసంలో ముఖ్యమైన కమోడిటీస్‌ ధరల్ని 50 శాతం తగ్గించే దిశగా ప్రణాళికలు ఇప్పటి నుంచే రచించుకోవాలని ఔట్‌లెట్స్‌ రిప్రెజెంటేటివ్స్‌తో జరిగిన సమావేశంలో యూఏఈ మినిస్ట్రీ ఆఫ్‌ ఎకానమీ కన్స్యూమర్‌ ప్రొటెక్షన్‌ డిపార్ట్‌మెంట్‌ డైరెక్టర్‌ డాక్టర్‌ హషీమ్‌ అల్‌ నౌమి సూచించారు. రమదాన్  మాసం సందర్భంగా కూరగాయలు, పళ్ళు, ఇతర ముఖ్యమైన ప్రోడక్ట్స్‌కి ఎలాంటి కొరతా ఉండదని ఆయన చెప్పారు. యూఏఈలోని ఔట్‌లెట్స్‌ ప్రతినిథుల్ని మినిస్ట్రీ ఆఫ్‌ ఎకానమీ చర్చలకు ఆహ్వానించింది. 2014తో పోల్చితే, 2015లో రమదాన్  సీజన్‌లో 20 శాతం అదనంగా వ్యాపారం జరిగినట్లు ఈ సందర్భంగా గణాకాంల్ని వివరించారు. 2016 రమదాన్  సీజన్‌లో రికార్డు స్థాయిలో వ్యాపారం జరగనుందని అంచనా వేశారు.