అబుధాబి: ఎయిర్ అరేబియా అబుధాబి, భారతదేశంలోని గుజరాత్‌లోగల అహ్మదాబాద్ నగరానికి తమ సర్వీసుని ప్రకటించింది. మే 13 నుంచి ఈ సర్వీసు అందుబాటులోకి వస్తుంది. చారిత్రక అద్భుతాలతోపాటు, ఆధునిక అద్భుతాలు అహ్మదాబాద్ ప్రత్యేకతలు. అత్యంత వేగంగా పర్యాటకం ఇక్కడ వృద్ధి చెందుతోంది. కాగా, భారతదేశంలో అహ్మదాబాద్ ఎయిర్ అరేబియా అబుదాబీకి ఏడవ డెస్టినేషన్. కాలికట్, చెన్నయ్, జైపూర్, కోచి, తిరువనంతపురంలకు ఇప్పటికే ఎయిర్ అరేబియా అబుధాబి విమానాలు నడుస్తున్నాయి. అబుదాబీ - అహ్మదాబాద్ మధ్య నేరుగా ప్రయాణాలకోసం ఎయిర్ అరేబియా అబుదాబీ వెబ్‌సైట్ సందర్శించవచ్చు.