బహ్రెయిన్: మరో మహిళను మోసం చేసి వ్యభిచారంలోకి దింపినట్లు ఆరోపణలు ఎదుర్కొంటున్న 42 ఏళ్ల ఆసియా మహిళ కేసు విచారణను హై క్రిమినల్ కోర్టు వాయిదా వేసింది. ఆరోపణలు ఎదుర్కొంటున్న మహిళ భర్త నకిలీ జాబ్ ఆఫర్‌ను అందించి బాధితురాలిని బహ్రెయిన్‌లోకి రప్పించినట్లు విచారణలో తేలిందని పోలీసులు తెలిపారు. అనంతరం వ్యభిచారం చేయాలని బాధితురాలిని దారుణంగా కొట్టారని చెప్పారు. బాధితురాలు తనను నిర్బంధించిన అపార్ట్ మెంట్ నుండి తప్పించుకుని.. రోడ్డుపై వెళ్తున్న ఓ వ్యక్తి సాయంతో పోలీసు స్టేషన్‌కు చేరుకుంది. బాధితురాలు చెప్పిన వివరాల ప్రకారం 42 ఏళ్ల మహిళను అరెస్ట్ చేశారు. విచారణ అనంతరం ఓ మహిళను బందీగా ఉంచి, ఆమెను వ్యభిచారంలోకి దింపినట్లు సదరు మహిళపై అభియోగాలు నమోదు చేసి కోర్టులో ప్రవేశపెట్టారు.