అబుదాబి: కొత్త 5, 10, 50 దిర్హామ్ నోట్లు చలామణిలోకి తీసుకొచ్చినట్లు సెంట్రల్ బ్యాంక్ ఆఫ్ ది యూఏఈ (CBUAE) ప్రకటించింది. చలామణికి వీలుగా వీటిని బ్యాంకులకు పంపిణీ చేసినట్లు తెలిపింది. కొత్త డినామినేషన్ల గురించి ప్రజలకు అవగాహన కల్పించడానికి, వాటి సర్క్యులేషన్‌ను పెంచడానికి, CBUAE – UAE బ్యాంక్స్ ఫెడరేషన్ (UBF) సహకారంతో ప్రచారాన్ని ప్రారంభించారు. అన్ని బ్యాంకుల ATMల ద్వారా కొత్త 5, 10, 50 దిర్హామ్ నోట్లను ప్రజలకు అందుబాటులోకి తీసుకొచ్చారు. ఎమిరేట్స్ NBD, అబుదాబి కమర్షియల్ బ్యాంక్ (ADCB), ఫస్ట్ అబుదాబి బ్యాంక్ (FAB), బ్యాంక్ ఆఫ్ షార్జా తమ ATMలను కొత్త డినామినేషన్‌ల కోసం ప్రోగ్రామింగ్, సెట్టింగ్ లను తక్కువ సమయంలోనే అప్‌డేట్ చేశారు. దీంతో కొత్త నోట్లు ప్రజలకు అందుబాటులోకి వచ్చాయి.