కువైట్: కువైట్‌లో విమాన ఛార్జీలు భారీగా పెరిగాయి. కొన్ని రూట్లలో విమాన టిక్కెట్ల ధరలు 70 నుండి 150 శాతం వరకు పెరుగుదల నమోదైంది. ఈ సంవత్సరం సుదీర్ఘ సెలవుల కారణంగా కువైట్ నుండి ప్రయాణీకులు యూఏ, యూఏఈ, టర్కీ, ఈజిప్ట్ లకు ఎక్కువగా వెళ్లారు. దీంతో ఆయా మార్గాల్లో టిక్కెట్‌ ధరలకు అధిక డిమాండ్ ఏర్పడింది. కువైట్ ఎయిర్‌వేస్ కార్పొరేట్ కమ్యూనికేషన్ అండ్ పబ్లిక్ రిలేషన్స్ డైరెక్టర్ వేల్ అల్ హసావి మాట్లాడుతూ.. ఈద్ సందర్భంగా ఎక్కువ మంది ప్రయాణికులు వివిధ దేశాలకు ప్రయాణించారు. కొన్ని రూట్లలో డిమాండ్ ను తగ్గట్లుగా విమానాల సంఖ్యను పెంచినట్లు తెలిపారు. ప్రయాణికుల రద్దీ నేపథ్యంలో ఏప్రిల్ 28 నుండి మే 7 వరకు 2,800 విమానాలను నడుపనున్నట్లు ఆయన పేర్కొన్నారు. ఈద్ సందర్భంగా 76 అదనపు విమానాలను నడిపినట్లు అల్ హసావి తెలిపారు.