దుబాయ్: సమగ్ర అభివృద్ధి ప్రణాళికలో భాగంగా దుబాయ్ గ్రామీణ ప్రాంతాలను పర్యాటక ప్రాంతాలుగా అభివృద్ధి చేయనున్నారు. కొత్త పర్యాటక ప్రాంతాలను అందుబాటులోకి తెచ్చేందుకు ప్రణాళికలను తయారు చేశారు. మంగళవారం దుబాయ్ కౌన్సిల్ సమావేశానికి అధ్యక్షత వహించిన తర్వాత యూఏఈ వైస్ ప్రెసిడెంట్, ప్రధాన మంత్రి, దుబాయ్ పాలకుడు షేక్ మొహమ్మద్ బిన్ రషీద్ అల్ మక్తూమ్ ఈ విషయాన్ని ప్రకటించారు. ఈ ప్రణాళిక ప్రకారం.. దుబాయ్ కౌన్సిల్ ఇన్‌ఫ్రాస్ట్రక్చర్ కమీషనర్ జనరల్ మత్తర్ అల్ తాయర్ పర్యవేక్షణలో మర్మూమ్, అల్ హబ్బాబ్, అల్ లిసైలా, అల్ ఫకా వంటి ప్రాంతాలను పర్యాటక ప్రాంతాలుగా అభివృద్ధి చేయనున్నారు.