ఒమన్: ప్రతి సంవత్సరం మే 18న నిర్వహించే అంతర్జాతీయ మ్యూజియం దినోత్సవ వేడుకల కోసం.. హెరిటేజ్, టూరిజం మంత్రిత్వ శాఖ సిద్ధమైంది. ఇందులో భాగంగా మ్యూజియంలలోకి సందర్శకులను ఉచితంగా అనుమతించనున్నారు. ప్రతి సంవత్సరం మే 18న అంతర్జాతీయ మ్యూజియం దినోత్సవ వేడుకల్లో ప్రపంచ దేశాలతో కలిసి ఒమన్ సుల్తానేట్ పాల్గొంటుంది. ఈ సందర్భంగా హెరిటేజ్ అండ్ టూరిజం మంత్రిత్వ శాఖ సందర్శకులకు ఉచితంగా మ్యూజియంలను సందర్శించే అవకాశం కల్పిస్తోందని మంత్రిత్వ శాఖ వెల్లడించింది.