సౌదీ అరేబియా: సౌదీ అరేబియా హెరిటేజ్ కమిషన్ వెల్లడించిన వివరాల ప్రకారం ఈస్టర్న్ ప్రావిన్సులోని అల్ అహ్సా గవర్నరేట్‌లోగల ముబార్రాజ్ నగరంలోని చారిత్రక సహౌద్ ప్యాలెస్ ఆదివారం పాక్షికంగా కూలిపోయింది. ఈ ఘటనలో ఎవరికీ ఎలాంటి ప్రమాదమూ సంభవించలేదు. నష్టం తీవ్రత కూడా ఎక్కువగా లేదని సంబంధిత వర్గాలు పేర్కొన్నాయి. వెస్టర్న్ టవర్‌కి సంబంధించి కొంత భాగం కూలిపోయింది. త్వరలోనే దీన్ని సరి చేస్తామని సంబంధిత కమిషన్ వివరించింది. అల్ అహ్సా గవర్నరేటు నుంచి ఓ బృందం త్వరలోనే కూలిన భాగాన్ని సరిచేయనుందని పేర్కొంది.