బాలయ్య తాజా చిత్రం కోసం ఓ ఎన్నారై మోడల్‌ని టాలీవుడ్‌కి పరిచయం చేస్తున్నారు. గోపీచంద్ మలినేని దర్శకత్వంలో బాలయ్య ఓ సినిమా చేస్తున్న సంగతి తెలిసిందే. శృతిహాసన్ ఈ సినిమాలో బాలయ్యకు జోడీగా నటిస్తోంది. 

కాగా, ఈ సినిమాలో బాలయ్య మాస్ ఇమేజ్‌కి తగ్గట్టుగా అధ్దిరిపోయే ఓ ఐటెం సాంగ్ వుందట. ఆ సాంగ్ కోసం మొదట ‘ఖిలేడీ’ డింపుల్ హయాతీని ఎంగేజ్ చేశారట. ఏం జరిగిందో ఏమో తెలీదు కానీ, లాస్ట్ మినిట్‌లో డింపుల్ హ్యాండిచ్చేసింది. అప్పుడు లైన్‌లోకి వచ్చింది ఈ ఎన్నారై బ్యూటీ.
 
ఇంతకీ ఎవరీ ఎన్నారై బ్యూటీ.? పేరు చంద్రిక రవి. పాప వెరీ హాట్. అమెరికాలో మోడలింగ్ రంగంలో పాపులర్ అయింది. ఆ తర్వాత సినిమాల్లోనూ హీరోయిన్‌గా కాకపోయినా కొన్ని పెత్తనాలు చక్కబెట్టేసిందనుకోండి. ఇదిగో బాలయ్య బాబు పుణ్యమా అని టాలీవుడ్‌కి ఎంట్రీ ఇచ్చేస్తోందిప్పుడు.
 
ఇక బాలయ్యతో ఐటెం సాంగ్ అంటే ఎలా వుంటుంది ఊహించుకోండి. అలాగే వుంటది మరి. పాట క్లిక్ అయ్యిందా అంతే సంగతి. చంద్రిక పాప టాలీవుడ్‌లో పాతుకుపోవడం ఖాయం. అంతేనా.. ర్యాపో సెట్టయ్యిందా.. బాలయ్య ఒక్క ఛాన్సుతో విడిచి పెట్టేదేలే.. గతంలో సోనాల్ చౌహాన్, ప్రగ్యా జైశ్వాల్ తదితర ముద్దుగుమ్మలకు బ్రేక్ ఇచ్చిన హిస్టరీ బాలయ్య లిస్టులో వుందిగా మరి.