యూఏఈ: అబుదాబీ పోలీసులు, ఓ వీడియో పోస్ట్ చేయడం జరిగింది. టైర్లు పేలడంతో రెండు వాహనాలు ఘోర ప్రమాదానికి గురయ్యాయి. ఓ వ్యాను టైర్ పేలడంతో.. ఆ వ్యాన్ పల్టీలు కొట్టింది. వాహనదారులు తప్పనిసరిగా తమ వాహనాల టైర్లను సరిచూసుకోవాలనీ, ఎట్టి పరిస్థితుల్లోనూ టైర్ల నాణ్యత విషయంలో రాజీ పడకూడదని అధికారులు హెచ్చరించారు. డ్యామేజ్ అయిన టైర్లతో వాహనాలు నడిపితే 500 దిర్హాముల వరకు జరీమానా విధిస్తారు. వాహనాన్ని వారం రోజులపాటు స్వాధీనం చేసుకోవడమే కాక, 4 బ్లాక్ పాయింట్స్ కూడా విధిస్తారు.