స్టార్ హీరోయిన్ ఛైర్‌కి ఎలాంటి ఢోకా లేకుండా కెరీర్ బిల్డప్ చేసుకుంటోంది ముద్దుగుమ్మ పూజా హెగ్దే. బుట్టబొమ్మగా తెలుగు ప్రేక్షకుల్లో అపారమైన అభిమానం సంపాదించుకుంది అందాల భామ పూజా హెగ్దే. ఓ పక్క హీరోయిన్‌గానూ మరో పక్క స్పెషల్ సాంగ్స్‌తోనూ పూజా హెగ్దే దూసుకెళ్లిపోతోంది.

హీరోయిన్‌గా ఆమెకున్న క్రేజ్‌ని స్పెషల్ సాంగ్స్ కోసం కూడా బాగా వాడుకుంటున్నారు మన తెలుగు మేకర్లు. గతంలో ‘రంగస్థలం’ సినిమా కోసం జిగేల్ రాణిగా ధడ ధడలాడించింది పూజా హెగ్దే. సినిమాతో పాటు, ఆ పాట కూడా సెన్సేషనల్ హిట్ అందుకుంది.

ఇక తాజాగా మరోసారి పూజా తన ‘స్పెషల్’ మ్యాజిక్‌ని రిపీట్ చేయబోతోంది ‘ఎప్ 3’ సినిమా ద్వారా. ‘అధ్యక్షా.. లైఫ్ అంటే మినిమమ్ ఇట్టా వుండాలా..’ అంటూ స్పెషల్ సాంగ్‌లో పూజా హెగ్దే చిందులు అభిమానుల్ని ఉర్రూతలూగిస్తున్నాయి.
 
అయితే, ఈ సాంగ్‌లో బుట్టబొమ్మ అంతలా హోయలొలికించేందుకు అక్షరాలా 2 కోట్ల రెమ్యునరేషన్ తీసుకుందట. పూజా హెగ్దే ‘స్పెషల్’ రెమ్యునరేషన్ ఇప్పుడు ఇండస్ర్టీ హాట్ టాపిక్ అయ్యింది.

హీరోయిన్లుగా నటిస్తున్న తమన్నా, మెహ్రీన్ కౌర్ కన్నా ఈ మొత్తం ఎక్కువ అని మాట్లాడుకుంటున్నారు. అవును మరి, పూజా హెగ్దేనా.? మజాకానా.? స్పెషల్ సాంగ్‌లో చిందేయాలంటే, మినిమమ్ రెమ్యునరేషన్ అట్టా వుండాలా.!

 ఏమాటకామాటే చెప్పుకోవాలి.. ‘ఎఫ్ 3’ హిట్టు బొమ్మ. ఈ హిట్టు బొమ్మకి బుట్ట బొమ్మ స్పెషల్ సాంగ్ మరో మెయిన్ అస్సెట్ అవుతుందనడం అతిశయోక్తి కాదేమో. అంతేగా.. అంతేగా.!