బహ్రెయిన్: హై క్రిమినల్ కోర్టు, ఓ ఆసియా జాతీయుడికి మూడు సంవత్సరాల జైలు శిక్ష విధించింది. మనుషుల అక్రమ రవాణా కేసులో నిందితుడిపై అభియోగాలు మోపబడ్డాయి. ఇద్దరు ఆసియా మహిళల్ని నిందితుడు వ్యభిచారంలోకి దింపేందుకు ప్రయత్నించినట్లుగా అభియోగాలు నమోదయ్యాయి. బాధిత మహిళలు, స్థానిక రెస్టారెంటులో పనిచేసేందుకు బహ్రెయిన్ వచ్చారు. అనంతరం వారు నిందితుడ్ని కలిశారు. అయితే, 3,000 దినార్లు ఇవ్వకపోతే, వారిపై వ్యభిచార ముద్ర వేస్తానని నిందితుడు బెదిరించినట్లుగా విచారణలో తేలింది. ఓ హోటల్లో నిందితుడు, బాధిత మహిళల్ని బంధించాడు.